Камерон Дијаз ја прекинува пензијата за да го снима првиот филм по осум години пауза. Дијаз, која и официјално го потврди повлекувањето од Холивуд во 2018, ќе глуми во новиот филм на „Нетфликс“, „Back In Action“, покрај Џејми Фокс. Двајцата претходно заедно играа во „Ени“, што всушност ѝ беше и последниот филм на Дијаз.
„Само Џејми може да ме врати назад во акција. Едвај чекам“, напиша 49-годишната Дијаз на Инстаграм.
„Нетфликс“ засега не објавил кога ќе биде премиерата на филмот, додека Фокс кажа дека снимањето ќе почне оваа година.
Иако не беше активна во Холивуд во изминатите години, Дијаз беше зафатена со производството на органски вина. Минатата година, таа кажа дека како мајка веќе не може да се замисли да поминува 16 часа на ден на филмски сет.
Дијаз се омажи за рок пејачот Бенџи Маден во 2015 и пред две години добија ќерка.
