За кучињата на покојната Елизабета Втора отсега ќе се грижат нејзиниот син Ендрју и неговата бивша сопруга Сара. Војводата и војвотката од Јорк ќе ги преземат Мик и Сенди, два млади коргија, кои кралицата ги доби лани.
Кралицата чувала повеќе од 30 кучиња од расата велшки корги во текот на животот. Таа беше толку приврзана за кучињата што многумина се прашуваа што ќе биде со нив по нејзината смрт.
Ендрју и неговите ќерки Беатрис и Јуџин првично ѝ ги подарија кученцата Мик и Ферги, со цел да ја орасположат додека принцот Филип беше во болница. Ферги угина во мај лани, по што Ендрју ѝ подари ново кученце за 95. роденден.
Кучињата корги станаа синоним за британската монархија. Најголем дел од кучињата за кои се грижеше кралицата биле потомци на Сузан, кучето што го добила од татко ѝ за 18. роденден во 1944. Таа лично ги шетала и хранела кучињата и им избирала имиња. По смртта на Вилоу во 2018, Елизабета наводно веќе не сакала да има куче, но тоа се променило откако се разболел нејзиниот сопруг.
(Фото: Гети)
