Саша Барон Коен и Исла Фишер објавија дека се разведуваат по две децении. Во објавата на социјалните мрежи со која ја објавија разделбата, актерите рекоа дека заедно поднеле барање за ставање крај на нивниот брак минатата година.
Двојката, која има три деца, се запозна во 2001, а се сврши во 2004. Споделувајќи ја објавата на која се облечени како тенисери, тие напишаа: „По долг тениски меч кој траеше повеќе од 20 години, конечно ги спуштаме нашите рекети“. Во објавата, објавена на приказните на Инстаграм на Барон Коен и на Фишер во петокот, тие рекоа: „Отсекогаш ни била приоритет нашата приватност. Засекогаш ќе ја делиме нашата посветеност и љубов кон нашите деца. Искрено го цениме вашето почитување на желбата на нашето семејство за приватност“.
Двојката првпат се запозна на забава во Сиднеј, Австралија. Барон Коен подоцна раскажа за нивната прва средба, велејќи дека Фишер била „смешна“.
Барон Коен се прослави во 1990-тите со неговиот лик Али Џи, озлогласениот измамен гангстер по кој стана ѕвезда на комедијата. Тој исто така го глумеше Борат, новинарот од Казахстан. Фишер се прослави како Шенон Рид во австралиската серија „Дома и далеку“ пред да почне да игра во филмови.
Фото: Гети
