Со претставата „Цар Едип“ од Софокле, вечерва (30 септември) од 20 часот во Велес започнува 21. издание на Фестивалот на античка драма „Стоби“. Изведбата е на Народно позориште од Сараево, а адаптацијата, режијата и сценографијата се на Диего де Бреа. Настапуваат Дино Бајровиќ, Медиха Муслиновиќ, Дамир Чобо, Изудин Бајровиќ, Дамир Машиќ и Емир Фејзиќ.
Претставата ја следи приказната за Едип, кој станува крал на Теба и се заколнува дека ќе ја реши чумата во градот. Во својата потрага, тој открива пророштво дека ќе го убие својот татко и ќе се ожени со мајка му.
Претставата се игра во театарот „Јордан Хаџи Константинов-Џинот“.
П. ПЕЧКОВ
