Денеска (14 октомври) во 20 часот, во Младински културен центар (МКЦ) во Скопје ќе биде отворена изложбата „Само (до) вербата“ на Христина Тарабунова. Ќе бидат претставени 12 нови и симболички дела, каде што извор на инспирација е главното и генерално верување во себеси и своите способности.
„Делата се претставени во релјефен стил во акрил техника на големи платна и носат длабока носталгичност, а истовремено зборуваат со самодоверба“, вели Тарабунова, која е лиценциран туристички водич.
Изложбата ќе биде отворена до 18 октомври.
