Кина обнови 158-километарска делница од автопатот Пекинг-Хонгконг-Макао без работници на терен, туку само со користење на дронови и автономни машини.
Дронови опремени со камери со висока резолуција го истражувале автопатот за да ги идентификуваат потребите за поправка, додека роботи прецизно го обновиле асфалтот. Овој метод значително ги намалил трошоците и времето потребни за завршување на работите и ги минимизирал прекините во сообраќајот, обезбедувајќи полесен проток на возилата.
Со минимално човечко учество, машините ги извршувале сите задачи во поставувањето на асфалтот, додека работниците само ги следеле операциите.
Три државни компании учествувале во проектот, користејќи ја напредната машинерија на „Сани груп“ за да се постигне милиметарска прецизност.
Процесот вклучил автоматизирани возила кои дистрибуирале камења и песок и автономни валјаци, а дронови го следеле напредокот и обезбедувале топографска точност, намалувајќи ја потребата за рачни корекции. Алгоритмите го оптимизирале процесот на градење, овозможувајќи поголеми брзина и прецизност, што го прави овој метод поефикасен од човечката работа.
(Фото: Икс)
