Патрик Стјуарт (Чарлс Ксавиер) и Ијан Мекелен (Магнето) ќе ги репризираат своите улоги од „Икс-Мен“ во новиот блокбастер филм „Avengers: Doomsday“. „Марвел“ вчера во живо ја објави долгата листа актери кои ќе бидат дел од првиот филм од серијалот „Одмаздници“ по шест години пауза.
На двајцата британски ветерани ќе им се придружат и Летиша Рајт, Винстон Дјук, Крис Хемсворт, Том Хидлстон, Пол Рад, Ентони Меки и Себастијан Стан. Од серијалот „Икс-Мен“ се враќаат и Келси Грамер, Ребека Ромејн, Џејмс Марсден и Алан Каминг.
И Роберт Дауни Џуниор ќе глуми во новиот филм „Одмаздници“, но нема да биде Ајрон Мен, туку Доктор Дум.
„Нова маска, иста задача. Многу сакам да глумам комплицирани ликови“, кажа Дауни на фестивалот Комик-Кон во Сан Диего лани.
Филмот ќе го режираат браќата Ентони и Џо Русо, чиј последен филм од серијалот заработи 2,79 милијарди долари. Премиерата треба да биде во мај 2026.
„Единствената работа што ќе ја кажам за овој филм е ова: ние сакаме негативци кои се херои на нивните сопствени приказни“, изјави Џо Русо.
