Германскиот диџеј Шилер (фото) ќе настапи со Битолскиот камерен оркестар „IWConnect“ на настанот „Ѕвездена симфонија“, што ќе се одржи на 20 мај во Скопје, во салата „Борис Трајковски“ од 20 часот. Се најавуваат повеќе од 100 учесници, балет и хор со Камерниот оркестар.
„По големиот успех на ‘Ѕвездена симфонија’ минатата година во Битола, го носиме овој проект во Скопје како четиричасовен музички настан. ‘Ѕвездена симфонија’ во своето ново издание вклучува хитови од Ем-Ти-Ви од 1980-тите и 1990-тите со аранжмани изработени специјално за оркестар, а по нив ќе следува ‘Шилер симфонија’ со познатиот германски диџеј Шилер, кој ќе приреди забава заедно со Битолскиот камерен оркестар“, велат од оркестарот, додавајќи дека билетите се продаваат преку мрежата на yournextevent.info.
