Бојана Скендеровски ќе го одржи првиот солистички концерт во Скопје, на 13 декември од 20 часот во Филхармонијата. Поп-пејачката го нарече концертот „Бесмртна“ и со него ќе прослави 23 години кариера.
Бојана Скендеровски, претходно Атанасовска, започна да пее во проектот за млади таленти „М2, потрага по ѕвезда“, а во 2003 победи на Макфест со песната „Немам одбрана“.
„Овој концерт е мојата благодарност кон публиката, музиката и кон сите моменти што ме обликуваа како уметник и човек. Ќе пеам со срце, ќе ве водам низ мојата приказна. Ветувам многу љубов и вистински емоции“, вели Скендеровски.
Билетите се пуштени во продажба преку продажната мрежа на kupikarta.com.
