Документарниот филм на Тамара Котевска, „Приказната за Силјан“, е дел од филмовите кои ќе играат во Кинотеката во февруари.
„Приказната за Силјан“ имаше светска премиера на Венециски фестивал 2025 во документарната програма вон конкуренцијата за награди, а беше и македонски кандидат за Оскар за странски филм, но не влезе во селекцијата. Освои неколку значајни документарни награди во САД каде имаше и кинодистрибуција, по свечената премиера во Скопје на 4 јануари, од 15 јануари игра и во кината низ Македонија, а од 8 јануари игра на стриминг платформите на „Нешнл џиографик“, „Дизни плус“ и „Хулу“.
Февруарската програма го вклучува и новиот филм на независниот американски автор Џим Џармуш, „Татко мајка сестра брат“. Европската селекција ја проширува програмата со филмовите „Љубовта што останува“, „Луда љубов“, „Двајца обвинители“, „Приватен живот“ и „Ромериа“.
„Посебно значајна е програмата за најмладата публика, со избор на квалитетни анимирани филмови“, велат од Кинотеката.
Целосната програма е достапна на овој линк.
