Премиерата на втората сезона на серијата „Четири годишни времиња“ (Four Seasons) ќе биде на 28 мај, објави „Нетфликс“. Стриминг-гигантот сподели и фотографии на кои се гледа дека се враќаат актерите Тина Феј, Колман Доминго, Вил Форт, Марко Калвани, Кери Кени-Силвер и Ерика Хенигсен.
Серијата е адаптација на комедијата на Алан Алда од 1981, која зборува за група пријатели кои се справуваат со кризата на средни години. Втората сезона ќе има осум епизоди и повторно ќе следи група пријатели низ четири одмори во текот на една година.
„Навистина е убаво. Го имаме истиот тим на сценаристи и беше многу интересно да се собереме и да споделуваме искуства, не само да зборуваме за претходната сезона, туку и за нашите сопствени животи“, изјави Феј, која е еден од продуцентите.
