Во струмичкиот театар „Антон Панов“ почнаа пробите за претставата „Поручникот од Инишмор“ од ирскиот драмски автор Мартин Мекдона. Претставата е во режија и адаптација на Ивана Ангеловска, а драматург на проектот е Весна Куслевска.
Во претставата играат Коста Ангов, Анкица Бенинова, Ванчо Василев, Михаил Велков, Стојан Велков и Игор Тодоров.
Од Струмичкиот театар велат дека станува збор за едно од најпознатите драмски дела на Мекдона, црна комедија која преку специфичен хумор, апсурдни ситуации и силна драмска тензија отвора прашања за насилството, идеологиите и човековата природа.
Премиерата е планирана за 15 јули.
В. ТРАЈКОВ
