Лука Модриќ стана четвртиот фудбалер во историјата со 200 настапи за својата репрезентација, откако ја предводеше Хрватска до победата од 1:0 против Панама на Светското првенство во САД, Канада и Мексико. Четириесетгодишниот Модриќ го игра своето петто светско првенство.
Кристијано Роналдо го држи светскиот рекорд со 230 настапи за Португалија, а пред Модриќ се само уште Бадер Ал-Мутава со 202 мечеви за Кувајт и Лео Меси, кој пред неколку дена го одигра 201. натпревар во дресот на Аргентина.
Модриќ дебитираше за хрватската репрезентација на пријателскиот натпревар со Аргентина во март 2006.
(Фото: Фејсбук/ХНС)
