Македонскиот металкор бенд „Карма скејл“ (Karma Scale) ќе настапи на годинашното издание на фестивалот „Хилс оф рок“ (Hills of Rock) во Пловдив, што ќе се одржи од 24 до 26 јули. Овој фестивал секоја година може да се пофали со врвна програма и ексклузивни настапи за регионот.
Главните ѕвезди оваа година се Мерилин Менсон и „Гадсмек“, а меѓу учесниците се и „Секс пистолс“ (со пејачот Френк Картер), „Лемб оф гад“ и „Блејк лејбл сосаети“.
„Карма скејл“ е млад бенд од Скопје кој лани свиреше на фестивалите „Метал дисчарџ“ во Битола и „Скопје фјури“ во Скопје, а неодамна го промовираше својот деби албум.
(Фото: Фејсбук)
