Факултетот за музичка уметност при Универзитетот „Свети Кирил и Методиј“ (УКИМ) во Скопје со концерт на Охридско лето ќе прослави 60 години од основањето. Концертот е закажан за вечерва (21 јули) во 21 часот во црквата „Света Софија“.
Ќе настапат Катерина Костадиновска-Гелебешева, Глигор Гелебешев, Кристина Светиева, Милена Арсовска, Весна Гиновска-Илкова, Златко Мадевски, Ана Дурловски, Игор Дурловски, Надица Ристиќ-Симовиќ, Дарко Багески и Јанинка Навчева.
На програмата се дела од Морлачи, Пуланк, Лист, Лалие, Белини, Верди, Фон Супе, Хачатурјан и Пијацола.
