Вечерва (11 септември) од 20 часот ќе се изведе премиера на претставата „Нона“, со која велешкиот театар Јордан Xаџи Константинов-Џинот ја започнува театарската сезона 2026/27. Претставата е работена по текст на аргентинскиот драмски автор Роберто Коса, во режија на Дамјан Костовски.
„Станува збор за познатата црна комедија која преку хумор, апсурд и семејните односи отвора низа прашања за човекот, семејството и општеството“, соопштија од Велешки театар.
Во насловната улога на Нона настапува Фаик Мефаилоски, а играат и Кире Ацевски, Васил Зафирчев, Кети Борисовска, Благојчо Стојанов, Славица Манаскова и Талија Ѓорѓиева.
Драматург e Катерина Момева, cценографијата на Филип Коруновски, костимите на Марија Пупучевска, а кореограф e Кренаре Невзати.
П. ПЕЧКОВ
