Ѕвездата на ТВ-серијата „Очајни домаќинки“, Тери Хачер, ќе ја игра Миранда Пристли во мјузиклот „Ѓаволот носи Прада“ во Вест Енд во Лондон.
61-годишната актерка ќе ја наследи својата поранешна колешка од „Очајни домаќинки“, Ванеса Вилијамс, која го завршува своето учество во мјузиклот на 18 септември. Во филмовите „Ѓаволот носи Прада“, Мерил Стрип ја глуми Миранда Пристли.
„Имав среќа во текот на кариерата да играм некои навистина моќни и впечатливи жени, но многу малку од нив можат да се споредат со Миранда Пристли. Миранда е интелигентна, авторитетна и на извонреден начин може да ве стави на вашето место, а истовремено да биде духовита“, изјави Хачер.
