Деветгодишно момче заработи речиси 30 милиони долари оваа година од отпакувањето и рецензирањето играчки и игри, што трета година по ред го направи најплатен јутјубер.
Рајан Каџи од Тексас заработи 29,5 милиони долари од својот Јутјуб канал „Светот на Рајан“, како и 200 милиони долари од брендирани играчки и облека. Тој исто така потпиша договор за сопствена ТВ-серија на „Никелодеон“, чија вредност не е позната.
Каџи првпат почнал да објавува видеа на Јутјуб во март 2015 и неговото семејство денес држи девет канали. Најпопуларен од нив е „Светот на Рајан“, кој има 41,7 милиони претплатници и 12,2 милијарда прегледи.
Десетте најплатени јутјубери за оваа година заработиле вкупно 211 милиони долари, објави „Форбс“. Зад Рајан е Џими Доналдсон (Мистер Бист) со 24 милиони долари, а на седмото место е шестгодишната Русинка Настја со заработени 18,5 милиони долари. Таа има 191 милион претплатници на својот канал, на кој со татко ѝ се играат со лего коцки, прават домашни работи и објаснуваат вируси.
