Италијанскиот фудбалски прволигаш Калјари го претстави изгледот на својот нов стадион, што ќе комбинира најсовремен дизајн со неверојатна крајбрежна локација. „Калјари арена“ ќе има 30.000 седишта и ќе се гради на брегот на Средоземното Море, околина со каква што можат да се пофалат малку стадиони во светот.
Стадионот треба да биде готов во 2026, а шест години подоцна тука ќе се играат мечеви од Европското фудбалско првенство, што Италија ќе го организира заедно со Турција.
Локалните власти сметаат дека спојот на модерното и природната убавина ќе биде привлечен како за фудбалските фанови, така и за туристите. Овој проект се развива од 2022 и сега доби зелено светло за почеток на изградбата.
