Австралиската архитектонска фирма „Коичи Такада“ му понуди на Лос Анџелес проект за милтифункционална зграда „Скај трис“ со дрвена фасада, чиј долен дел е инспириран од легендарната филмска сцена со фустанот на Мерилин Монро.
„Дрвената крошна потсетува на славниот момент од филмот ‘Седум години верност’ од 1955, што е референца на холивудската улична култура“, велат од „Коичи Такада“.
Архитектите предлагаат дизајнот да наликува на секвоја, кои се едни од најстарите и највисоки дрвја на светот, а потекнуваат од Калифорнија.
„Наша визија е кулата да стане најздраво место за живеење во Лос Анџелес“, велат архитектите.
Ако биде изградена, „Скај трис“ ќе зафаќа простор од над 52.000 квадратни метри и ќе има 528 апартмани, плус продавници.
