НОВИ ФОТОГРАФИИ ЈА ОТКРИВААТ МОНУМЕНТАЛНОСТА НА НОВИОТ ГЛАВЕН ГРАД НА ЕГИПЕТ

Каиро, (Дезин)

Огромни церемонијални простори, претседателска палата и најголемата џамија во Африка се прикажани на фотографиите од новиот административен главен град на Египет, кој е во фаза на изградба. Градот, кој ќе се наоѓа 45 километри источно од Каиро, засега нема официјално име.

Централниот плоштад има бројни порти

Тој се гради на 700 квадратни километри неразвиено земјиште меѓу Каиро и Суез и кога ќе биде готов, ќе биде дом на шест милиони луѓе. Како ново административно средиште на Египет, тука ќе бидат сместени претседателската палата, парламентот и најголемиот дел владини установи.

Во градот е изградена и најголемата џамија во Африка

Новата административна престолнина е распоредена околу монументалната централна оска која завршува со Големата џамија на југ и со Народниот парк и огромниот комплекс на претседателската палата на север. На оваа централна оска е поставен огромен јавен плоштад, околу кој има бројни големи модернистички порти. Египетскиот парламент се наоѓа веднаш до плоштадот.

Новиот град засега нема име

Овој град првпат беше најавен во 2015 за да се ублажи пренаселеноста на Каиро. Многу објекти веќе се завршени. Финансискиот округ ќе го краси највисоката зграда во Африка, а во спортскиот округ ќе има стадион со 93.000 седишта.

Новата зграда на Претставничкиот дом на Египет

(Фото: Ј. Бласберг)