Арнолд Шварценегер се појави на Саемот на електроника во Лас Вегас за да претстави нов БМВ инспириран од вештачката интелигенција. Станува збор за моделот „BMW i Vision Dee“, кој може да менува бои.
Електричниот спортски седан користи електронско мастило за да менува 32 можни бои, вклучувајќи виолетова, розова, црвена, бела и жолта. „БМВ“ го опиша „Vision Dee“ како „следно ниво на интеракција помеѓу луѓето и машините“.
„Dee се однесува на дигитално емоционално искуство и ја нагласува растечката важност на врската помеѓу луѓето и машините“, изјави извршниот директор на „БМВ“, Оливер Ципсе.
Сепак, од компанијата велат дека автомобилот е само концепт и нема да се најде во продажба.
(Фото: АП)
