БРИТАНИЈА ИЗДАДЕ МОНЕТА СО ЦРНА ДУПКА ВО ЧЕСТ НА ХОКИНГ

Лондон, (Дезин)

Британската кралска ковачница издаде монета од 50 пени во чест на славниот физичар Стивен Хокинг, која симболично оддава почит на неговото пионерско откритие за црните дупки. Целта на почесната монета е да ги слави животот и светски значајните достигнувања на Хокинг, кој почина лани.

На паричката ги има неговите име и презиме над цртеж од концентрични кругови, кои ја претставуваат црната дупка. Британската дизајнерка и графичарка Едвина Елис вели дека сакала да стави „голема црна дупка на мала паричка“.

Паричката е достапна во златна и сребрена варијанта и нема да се користи како платежно средство.