„Соби за бес“ каде посетителите кршат електронски апарати, стакло и мебел се нов тренд низ САД. Концептот на овие соби е ослободување од бесот, како и безбедно уништување на непотребни уреди. Засега има 60 вакви простории низ целата земја.
Лас Вегас има три вакви локации, каде граѓаните и туристите можат да се ослободат од агресијата.
„Ова е одлична форма на антистрес терапија. Луѓето доаѓаат овде загрижени, а си заминуваат слободни и безгрижни“, вели Ана Гуиао, сопственичка на „Син сити смеш“.
![](https://smart.sdk.mk/wp-content/uploads/2019/06/http___cdn.cnn_.com_cnnnext_dam_assets_190531170518-01-rage-rooms-scsmash5.jpg)
Сопствениците на овие локали велат дека филозофијата на ова искуство има корени во терапијата за деструкција, техника за менаџирање со стрес која се појави во Шпанија во рани 2000-ти години. Тие велат дека вака им помагаат на гостите да се ослободат од гневот на позитивни начини.
![](https://smart.sdk.mk/wp-content/uploads/2019/06/http___cdn.cnn_.com_cnnnext_dam_assets_190531170429-06-rage-rooms-tantrumshouston-group.jpg)
Повеќето од нив примаат донации во вид на предмети за кршење, други, пак, набавуваат материјали од локалните центри за рециклирање, а некои дозволуваат гостите сами да си донесат предмети. Посетителите можат да си резервираат термини од 5 до 30 минути во собата. Кога ќе пристигнат, сами го одбираат предметот со кој ќе кршат, како чекан и палка за голф и бејзбол. Потоа вработен ги носи до просторијата, каде облекуваат заштитно одело, ракавици, шлем и штитници за уши и лице. Гостинот може да одбере и музика, дали хеви метал, рап, класика или популарна музика.
![](https://smart.sdk.mk/wp-content/uploads/2019/06/http___cdn.cnn_.com_cnnnext_dam_assets_190531170255-05-rage-rooms-tantrumshouston4.jpg)
Кршењето знае да биде и исцрпувачко, па некои од гостите си одат облеани со пот.
„Дури и некои шишиња понекогаш се кршат потешко од други предмети“, вели еден од сопствениците.