Орхидеите обично не се сметаат за грди, но Кралските ботанички градини во Кју (Лондон) токму така го опишаа новиот вид на живописен и нежен цвет откриен во шумите на Мадагаскар. Gastrodia agnicellus, едно од 156-те растенија и габични видови именувани оваа година од научниците на Кралските ботанички градини, е крунисана за „најгрдата орхидеја на светот“.
„11-милиметарските цветови на оваа орхидеја се многу мали, кафеави и прилично грди“, кажаа од Кју во својата листа на топ 10 откритија на годината.
Орхидејата се храни преку габите и нема листови, ниту пак фотосинтетско ткиво. Иако се оценуваат како загрозен вид, растенијата имаат делумна заштита затоа што се наоѓаат во рамките на национален парк.
Меѓу новоименуваните растенија е и чудна грмушка, која била откриена во јужна Намибија уште во 2010 година. Ботаничарот Весел Свејнпул и неговите колеги не можеле да ја сместат во кој било познат род, па затоа се консултирале со Кју. Заедно заклучиле дека оваа чудна грмушка не претставува само нов вид, туку и сосема нов род и ново семејство на растенија, наречено Tiganophyton karasense.
Во науката на годишно ниво се именуваат 2.000 нови растенија, додека нови семејства се именуваат само еднаш во годината.
