Најголемиот град во Казахстан, Алма Ата е најинтересното место да се посети според „Си-Ен-Ен травел“ и го нарекуваат „најкул“ место во светот.
Тој е еден од оние ретки градови кои навистина имаат сè – одлична храна, просперитетен ноќен живот, брзорастечка уметничка и културна сцена и лесен пристап до некои од најневеројатните, недопрени пејзажи во светот.
Метро станиците во Алма Ата се буквално уметнички дела, совршено надополнување на неговите музеи од светска класа, вклучувајќи го Државниот уметнички музеј „Абилхан Кастеев“, кој е исполнет со повеќе од 20.000 уметнички дела и Центарот за современа култура „Целини“, кој се преселува во нови простории годинава.
Алма Ата се смета за родно место на „неономадската кујна“, спој на модерни техники за готвење и традиционални состојки што ги користат номадските луѓе кои живеат на пасиштата во земјата.
Да се стаса до Алма Ата е исто така изненадувачки лесно. До него може да се стигне преку директни летови од Европа, Азија и Блискиот Исток.
