Повеќе од милион луѓе присуствуваа на спектакуларниот огномет на Сиднејскиот заливски мост, со кој беше прославено доаѓањето на 2025 година.
Во услови на јасно небо и пријатна температура од 22 Целзиусови степени, традиционалната прослава еруптираше точно на полноќ, кога новата година пристигна во двете најнаселени држави во Австралија, Нов Јужен Велс и Викторија. Големо пиротехничко шоу имаше и во другите поголеми градови низ земјата.
Новата година претходно дојде во Нов Зеланд и првиот поголем огномет беше виден во Окленд, каде што илјадници луѓе се собраа кај највисоката структура во земјата, Скај тауер.
