Магазинот „Пипл“ го прогласи актерот Патрик Демпси за најсекси маж на светот за 2023, преземајќи ја оваа титула од колегата Крис Еванс. Педесет и седумгодишниот Демпси, кој се прослави во серијата „Вовед во анатомија“, изјави дека целосно се шокирал кога ја слушнал веста и помислил дека е шега.
„Ова признание е убаво и му дава мал поттик на моето его, но ми дава и платформа да го искористам за нешто позитивно“, изјави Демпси, кој го глумеше неврохирургот Дерек Шепард во речиси 250 епизоди на „Вовед на анатомија“.
Демпси е во брак со шминкерката Џилијан Финк од 1999 и вели дека најмногу го интересира како неговите три деца ќе реагираат на неговата нова титула.
„Сигурно ќе ме задеваат и ќе ми наоѓаат причини зошто не би требало да го имам овој статус, што е добро, зашто ме одржуваат млад“, кажа Демпси.
Неговиот следен филм „Ферари“, во кој го игра Формула 1 возачот Пјеро Таруфи, излегува во декември.
(Фото: АП)
