„Дисфрутар“ во Барселона е прогласен за најдобар ресторан на светот на церемонија што се одржа во Лас Вегас.
Отворен во декември 2014 во самото срце на Барселона, „Дисфрутар“ е познат по модерни техники на готвење и одлични состојки, а во менито доминираат медитерански рецепти. Кујната ја водат тројца реномирани шпански готвачи. Минатата година, „Дисфрутар“ заврши на второто место во овој избор.
Стандардното мени во „Дисфрутар“ чини 290 евра, за што се добиваат дури 30 јадења.
На второто место се најде уште еден шпански ресторан, „Асадор Ечебари“ во баскискиот град Ачондо, а трет е „Тејбл Бруно Вержу“ во Париз.
Минатата година, за најдобар ресторан беше избран „Сентрал“ во Лима, Перу.
