Стен Ли работел на нов суперхерој на Марвел пред да почине, објави неговата ќерка Џеј Си. Ли, еден од основачите на „Марвел комикс“ и креатор на некои од најпознатите стриповски суперхерои, почина во понеделникот на 95 години.
Неговата ќерка објави дека станува збор за машки лик, Дртмен (Dirt Man) и дека настанал по долго убедување со татко ѝ дека „е доста од удари и железо и дека треба малку да се извалка“.
„Многу е интересен, но не е готов сѐ уште. Имаме уште малку работа“, изјави таа за сајтот ТМЗ.
Меѓу другите, Ли е заслужен за креирањето на Спајдермен, Блек Пантер, Хулк, Одмаздници, Фантастична четворка, Ајрон Мен, Дедпул, Доктор Стрејнџ, Екс-Мен, Капетан Америка и низа други повеќе или помалку популарни ликови.
