Чевли украсени со дијаманти се продаваат во Дубаи по цена од 17 милиони долари.
Тие се изложени во витрина во облик на дијамант, а се направени од златна кожа, украсена со повеќе од 100 карати од беспрекорни дијаманти поставени на бело злато.
„Мислам дека имаме потенцијални купувачи овде. Дубаи е град на милионери и милијардери. Во иднина, ќе понудиме чевли и со рубини и со сафири“, изјави Хемани Карамчандани, директор на златарницата „Страствен накит“, која ги стави чевлите на продажба.
Идејата за чевлите доаѓа од неговата партнерка, 26-годишната Марија Маџари, која студирала мода во Дубаи и во Лондон. Таа забележала дупка на пазарот, на кој се нудат ултраскапи алишта и чанти, но не и чевли.
Дијамантите траат вечно, но не и кожата, но во цената е вклучена доживотна гаранција.
