Четириесет и второто издание на Скопско лето почнува вечерва, традиционално на првиот ден на летото и Светскиот ден на музиката.
Манифестацијата ќе се отвори со операта без зборови „Од оркестарот за публиката“, што ќе се изведе во Салонот на Националната опера и балет од 21 часот. Диригенти се Бисера Чадловска и Иван Еминовиќ, а режисер Трајко Јордановски.
Ќе се изведат дела од Маскањи, Мусоргски, Пучини, Чајковски, Гуно, Леонкавало, Белини и Верди.
Билетите по цена од 300 и 400 денари се продаваат на билетарницата на НОБ и онлајн.
