ДВА МЕСЕЦА ОД ПРВИОТ ПОТВРДЕН СЛУЧАЈ, ВО ЗЕМЈАТА ИМА 500 ОЗДРАВЕНИ И 61 ПОЧИНАТ ОД КОВИД-19

Скопје, (СМАРТ СДК.МК)
Medical staff wearing protective suits, masks and gloves collect samples taken from the people in the car to test them for the novel coronavirus COVID-19 outside a laboratory, in Skopje, Republic of North Macedonia, 31 March 2020. Macedonian government set new more strict measures to prevent the spread of coronavirus (COVID-19). The curfew starts at 4pm until 5am from Monday to Friday and from Friday evening 4pm until Monday 5am. EPA-EFE/GEORGI LICOVSKI

Изминаа точно два месеца откако во Македонија беше регистриран прв случај на коронавирус и земјата сега е во фаза кога значително се зголемува бројот на оздравени.

  • Во Македонија досега има 1.386 заразени со коронавирус, најмногу во Скопје (471) и Куманово (371), а барем еден случај бил потврден во уште 24 градови.
  • Од направените 335 теста во последните 24 часа, 19 биле позитивни (осум во Куманово, три во Скопје, по два во Прилеп, Струга и Велес и по еден во Виница и Гостивар).
  • Бројката оздравени стигна до 500, дури 126 повеќе во однос на вчера и ова е најголем пораст во еден ден од почетокот на кризата.
  • Министерството за здравство потврди дека од КОВИД-19 починале 49-годишна жителка на кумановското село Липково и 73-годишен скопјанец.
  • Коронавирусот досега однесе 61 живот во Македонија.
  • На светско ниво досега има речиси три милиони заразени, од кои 203.000 починале, а над 840.000 оздравеле.