Градскиот дувачки оркестар вечерва (19 часот) ќе го одржи традиционалниот предновогодишен концерт во Младински културен центар (МКЦ). Влезот е слободен, со претходно подигнување бесплатен билет на билетарница во МКЦ.
Ќе се изведат дела од повеќе жанрови: поп, рок, џез, самба, како и македонски песни. Крајот е со „Радецки марш“ на Јохан Штраус.
Градскиот дувачки оркестар е формиран во 2006 на иницијатива на Град Скопје и МКЦ. Во него членуваат 29 професионални музичари и студенти на Факултетот за музичка уметност.
