Половина милион евра за купување куче дал маж од Бенгалуру, Индија. Не само што Кадабомб Оками е најскапото куче на светот, туку се верува и дека е прво од ваков вид. Кучето е старо осум месеци, високо е 76 сантиметри и веќе тежи 75 килограми.
„Потрошив 500.000 евра за купување на ова кученце затоа што сакам кучиња и сакам да чувам уникатни кучиња и да ги запознавам со Индија“, рече С. Сатиш.
Ова не е неговото прво екстравагантно купување. Сатиш е поранешен одгледувач на кучиња и ги има од 150 различни раси.
„Имам шест чувари и сите мои кучиња се хранат со сирова храна. Ги чувам на имотот од седум хектари, така што сите имаат многу простор за шетање“, рече тој.
Сатиш, исто така, тврди дека неговите кучиња привлекуваат многу луѓе кои сакаат да се сликаат со нив, за што плаќаат. Тој наплаќа меѓу 2.600 и 10.000 евра за појавување од 30 минути до 5 часа на јавни настани со кучиња.
„Потрошив многу пари на овие кучиња бидејќи се ретки. Но, добивам доволно пари затоа што луѓето секогаш се љубопитни да ги видат“, рече Сатиш.
