„Охридска банка Сосиете женерал“ распиша конкурс за млади сликари, преку кој ќе се изберат учесниците на ликовната колонија „Вевчански видувања“, што ќе се одржи во Вевчани од 22 јуни до 6 јули. На конкурсот можат да се пријават сликари на возраст од 18 до 23 години.
Пријавувањето е електронско и трае од 27 мај до 9 јуни, при што се пополнува формулар на веб-страницата www.obsgklubnatalenti.mk. во делот „Аплицирај“. Банката, заедно со стручното жири, ќе избере најмногу 12 финалисти и нивните имиња ќе бидат објавени на сајтот на 13 јуни.
Учесниците на колонијата ќе бидат поделени во две групи, при што секоја група ќе престојува по пет дена: првата од 23 до 27 јуни, а втората од 28 јуни до 2 јули. Сите трошоци се покриени од банката. Победникот ќе биде прогласен на финалната вечер и ќе биде награден со 60.000 денари.
Кампањата е дел од платформата за општествена одговорност „Клуб на таленти на Охридска банка“, преку која се дава поддршка на млади потенцијали од разни области.
