Четворица македонски фудбалери ќе играат во новата сезона на Лигата на шампионите, која почнува вечерва и првпат има 36 учесници, сите сместени во една група. Според новиот формат, секоја екипа во првата фаза ќе одигра по осум натпревари против различни противници. Финалето е на 31 мај 2015 на „Алијанц арена“ во Минхен.
Динамо Загреб ќе игра во ЛШ со двајца поранешни македонски репрезентативци во своите редови: Аријан Адеми и Стефан Ристовски. Адеми се ближи кон бројката од 100 настапи во европските натпреварувања, додека Ристовски има настапувано во ЛШ и со Спортинг Лисабон.
И Елиф Елмас со втор клуб ќе игра во елитното европско клупско натпреварување: дебитираше со Наполи, а сега ги брани боите на РБ Лајпциг.
Бојан Миовски (фото) доби можност да игра во ЛШ откако во август се пресели од Абердин во Џирона за 6,5 милиони фунти, што е рекорден трансфер за шкотскиот клуб. Џирона беше една од најубавите приказни во европскиот фудбал минатата сезона, откако заврши на третото место во шпанското првенство, зад Барселона и Реал Мадрид. Џирона ќе го има дебито во ЛШ утре (18 септември) против ПСЖ.
(Фото: Џирона)
