Набргу откако Македонија регистрираше рекордни 870 нови случаи на коронавирус, Собранието синоќа го усвои Законот за заштита од заразни болести, со што носењето маска од денеска станува задолжително и на отворено.
- Сите над шестгодишна возраст ќе мора да носат маска и на отворено, мерка што ја донесоа и неколку други европски држави.
- Маска не мора да се носи при спортување, возење во приватен автомобил и при престој во двор од семејна куќа.
- Маска не мора да се носи и при седење во угостителски објект.
- Од носење маска се ослободени лицата кои имаат специфична здравствена состојба.
- Неносење маска ќе се казнува со 20 евра.
- Со новите мерки се забранува групирање на јавен простор (паркови и други јавни површини) во одредени делови од деноноќието.
