Танцовото студио „Денсерс јунајтед“ по десетти пат ја одржа инклузивната претстава „Мјузикл“ по повод Светскиот ден на лицата со попреченост. На сцената на МНТ танцуваа, пееја и свиреа лица на возраст од 4 до 44 години.
„Претставата со инклузивни точки по хип-хоп, балет и латино танци ја истакна убавината на различноста и заедништвото. Преку танц, музика и емоции сцените ја раскажаа приказната за едно дете кое ги истражува животните фази, од раѓањето, првите пријателства и љубопитноста за светот до борбите со прифаќањето, откривањето на страста за танцот и соништата за иднината“, велат од танцовото студио.
Целта на овие претстави е да им покажат на сите учесници и гости дека не постојат бариери и дека сите сме исти.
