Поп-ѕвездата Аријана Гранде се повлече од мјузикл во Лондон, соопштија продуцентите и планира целосно да се повлече од јавноста поради интензивниот надзор со кој се соочува. Гранде требаше да глуми во мјузиклот „Sunday in the Park With George“ во театарот Барбикан во 2027 година.
„Објавата за повлекување не е реактивна или импулсивна одлука. Тоа е нешто што го испланирав тивко, одамна. Треба да се постават граници, на луѓето понекогаш им е потребна пауза“, кажа Гранде.
Претставник на Гранде изјави за списанието „Пипл“ дека 33-годишната пејачка ќе се повлече од јавноста откако ќе ја заврши турнејата „Eternal Sunshine“ на 1 септември.
„Таа со нетрпение очекува да ја заврши турнејата, а потоа да направи заслужена пауза од работата и од појавувањата во јавност, што доведе до постојан јавен надзор“, се вели во соопштението.
Гранде неодамна раскина со актерот Итан Слејтер и го издаде новиот албум „Petal“, поради што се најде во засилен фокус на јавноста, проследено со шпекулации за нејзините здравје и изглед. Таа претходно изрази непријатност во врска со јавните коментари за нејзините изглед и тежина.
(Фото: АП)
