Повеќе од 30 филмови ќе бидат прикажани под отворено небо на четвртото издание на Галичник филм фестивал, кој почнува денеска и трае до недела. Во три натпреварувачки програми ќе учествуваат 33 краткометражни филмови, а фестивалот ќе биде затворен со ревијалната проекција на играниот филм „Нешто слатко“ со Сашко Коцев и Јелена Јованов.
Од другите содржини во рамките на фестивалот, Дејан Дуковски ќе ја води балканската работилница за сценарио, а Андреј Волкашин ќе одржи мастерклас за разработување ТВ-серии. Во жирито на фестивалот се Сашко Коцев, Георги Унковски и Елена Станишева.
