Новиот филм за Бетмен продолжува да се снима во Ливерпул, што е проследено со строгите мерки за заштита од коронавирус во Велика Британија.
Снимањето на „The Batman“ почна во Глазгов на почетокот на 2020, па беше прекинато поради пандемијата на ковид-19. Откако продолжи во септември, медиумите објавија дека холивудската ѕвезда Роберт Патинсон е позитивен на коронавирус, иако „Ворнер брос“ никогаш не го потврди тоа.
Сега снимањето се префрли во Ливерпул, првиот англиски град каде што на сила стапија новите строги рестриктивни мерки.
Портпаролот на градот изјави дека снимањето нема да го загрози здравјето на жителите и дека продукцијата ќе ги почитува сите заштитни мерки.
