Новиот филм на Клинт Иствуд, „Поротник број 2“, ќе има светска премиера на филмскиот фестивал АФИ во Холивуд на 27 октомври, а „Ворнер брос“ потоа ќе го објави и во кината.
За разлика од претходниот филм во кој и глумеше, Иствуд сега само е режисер, а во актерската екипа се Николас Хоулт, оскаровецот Џеј Кеј Симонс. Тони Колет, Крис Месина, Зои Дојч и Кифер Садерленд.
Филмот следи поротник на судење за убиство (Хоулт) кој се бори со сериозна морална дилема која би можел да ја искористи за да влијае врз пресудата на поротата и потенцијално да го осуди или ослободи погрешниот убиец.
„Поротник број 2“ е 46. филм кој 94-годишниот Иствуд го потпишува како режисер, а првиот го сними во 1971.
