На 27 февруари од 20 часот, Битолскиот камерен оркестар ќе одржи концерт со најубавите битолски песни во Центарот за култура во Битола. Настанот е во чест на 10 години постоење на страницата „Бабам Битола“, а од Камерниот оркестар велат дека подготвуваат концерт со најубавите битолски песни и многу емоции.
„На сцената ќе ни се придружат специјалните гости Билјана Дамјановски-Јанчевска, Емилија Сарафска, Маја Андоновска-Илиевски, Јасна Димитровска, Сефедин Бајрамов, Бојан Стојков и Димитар Андоновски. Рецитали ‘За мојата Битола’ ќе слушнеме од Борис Чоревски-Чоре и Силвана Насух. Заедно ќе прославиме две големи нешта: јубилејот на ‘Бабам Битола’ и титулата Најпопуларен оркестар за 2024 што ја добивме на ‘Златна бубамара на популарноста‘“, велат од оркестарот.
Ж. ЗДРАВКОВСКА
Фото: К. ПОПОВ
