Од 13 до 20 август, во Струмица ќе се одржува традиционалната забавна манифестација Струмица опен, овојпат само со македонски музичари. Ќе се одржува на три локации: малиот градски парк, големот градски парк и старата чаршија.
Денеска во малиот градски парк од 20:30 часот ќе има концертна промоција на новиот албум на Иван Кукиќ, „Сандеј вајбс“. На 15 август од 20:30 часот концерт со бенд ќе одржат Ана Петановска и Филип Јордановски во Градскиот парк, а во 22 часот на истото место следи настап на дуото „ДНК“. На 16 август во Градскиот парк од 20:30 часот ќе се одржи завршниот рок концерт на летната школа за гитара, а потоа настапуваат Пајак и Лара Иванова.
На 17 август во Градскиот парк од 20:30 часот, Битолскиот камерен оркестар ќе ги свири најголемите светски рок хитови, а како солисти ќе пеат Ружица од групата „Ареа“ (фото), Дани Димитровска, Наде Талевска, Ана Петановска и Сашо Паркет. Од 22 часот ќе настапи пејачката Теодора со нејзиниот бенд.
Ансамблот „Билјана“ од Охрид ќе одржи концерт со староградска музика на 18 август од 20:30 во старата чаршија. На 20 август во малиот градски парк ќе се слушаат струмички евергрини. Младиот музички состав „Ретромладина“ ќе свири од 20, а „Ретроманија“ од 21 часот.
Фото: К. ПОПОВ
