Камерниот оркестар „Солисти на ФМУ“ под диригентство на Сашо Татарчевски освои Гран при на меѓународниот музички натпревар Bratislava Spring Festival, кој традиционално се одржува во последната третина од март во главниот град на Словачка.
Камерниот оркестар на Факултетот за музичка уметност (ФМУ) настапи на три концерти, а учествуваше и во натпреварувачкиот дел на фестивалот.
„Во еден навистина тежок период за нас како факултет, но и за целото општество, ваквото врвно достигнување е нешто што го подигнува духот на студентите, но и на сите млади луѓе, покажувајќи дека со знаење, посветеност и квалитетна работа ништо не е недостижно“, велат од оркестарот.
