ПОПУЛАРНАТА „КАРМИНА БУРАНА“ ВЕЧЕРВА ВО МОБ

Скопје, (СМАРТ СДК.МК)

Популарната сценска кантата „Кармина Бурана“ од Карл Орф, во кореографија на Кан Арслан од Турција, ќе се изведе вечерва од 20 часот во Македонската опера и балет. Режисер е Дејан Прошев, а ќе диригира Бисера Чадловска.

Оперски солисти ќе бидат Катерина Стојановска, Дејан Стоев и Горан Начевски, а балетски солисти се Марија Кичевска-Шокаровска, Ивана Коцевска, Саша Евтимова, Давиде Буфоне од Италија и Мирослав Митрашиновиќ. Ќе настапат Хорот, Оркестарот и балетскиот ансамбл.

Кантатата се базира на 23 песни од збирката средновековни текстови и песни „Кармина Бурана“, пронајдена во манастир во јужна Германија. Дел е од Орфовиот триптих кантати „Трионфи“, заедно со „Кармина Катули“ и „Трионофо ди Афродите“. Кантатата првпат била изведена на 8 јуни 1937 и веднаш имала голем успех.