Котон блуз фестивал ја најави својата прва содржина за оваа година, во која ќе го одбележи првиот мал јубилеј – пет години од основањето.
Годинашната програма почнува со вечер посветена на Џо Кокер, што ќе се одржи на 8 мај во скопскиот клуб „Маракана“. Во улогата на легендарниот пејач ќе биде Петар Исиров, познат по настапите во скопските кафулиња и чиј глас многу потсетува на Кокер, велат организаторите. Исиров ќе настапи во придружба на негов бенд.
Од Котон блуз фестивал велат дека планираат повеќе настани оваа година, а самиот фестивал ќе се одржи на крајот на годината и би требало да има две вечери.
(Фото: Фејсбук/М. Аргакијева)
