Оскаровката Ема Стоун го чека првото дете со сопругот Дејв Меккери, објавија американските медиуми.
„Ема е бремена и ужива во брачниот живот“, изјави извор близок до двојката.
Весникот „Дејли мејл“ објави фотографии од Стоун на прошетка во Лос Анџелес, при што ѝ се забележува трудничко стомаче.
Триесет и двегодишната Стоун и сценаристот на ТВ-шоуто „Сабота вечер во живо“ се заедно од 2017, а се венчаа изминатиот септември на приватна церемонија за која не беа објавени никакви детали.
