Селма Бориќ, жената која беше инспирација за една од најпознатите песни на „Бијело дугме“, почина во Загреб на 92 години. Веста за нејзината смрт ја објави бившиот пејач на групата, Жељко Бебек, кој на Фејсбук сподели фотографија од прославата на нејзиниот 90. роденден.
Бориќ во повеќе наврати зборуваше за своето пријателство со покојниот босански поет и текстописец Владо Дијак, кој ги напишал стиховите за песната „Селма“, која се најде на албумот „Кога би бил бело копче“ од 1974 година. Таа и Дијак се запознале во 1949 година во нејзиниот роден град Зеница.
Иако знаела дека му се допаѓа, Бориќ вели дека Дијак никогаш не ѝ признал дека е вљубен во неа.
„Тој никогаш не се изјасни, само ме гледаше. Еднаш се сретнавме на железничката станица и ми помогна да ги внесам куферите во возот. Во возот имаше еден скршен прозорец и тој ми кажа: ‘Селма, не наведнувај се низ прозорецот“, раскажа своевремено Бориќ.
